Study Chinese Language

You can study Basic Chinese Language with audio at MP3 Chinese Lessons. You can download and listen the conversation in mp3 format and they will explain how to pronounce correctly which is very useful for newbies.

I also introduced the same website at Myanmar Engineer Forum.  In the forum, I not only introduced about the website but also explained some knowledge about Chinese language. My original post was written in Myanmar.

မန္တလေးနိုင်ငံခြားဘာသာ တက္ကသိုလ်မှာ ခြောက်ခြောက်သွေ့သွေ့ဖြစ်နေလို့ post အသစ်လေးတစ်ခုထပ်ရေးလိုက်ပါတယ်။ MEF မှာ MUFL ကဆိုလို့ ကျနော်တစ်ယောက်ပဲရှိတယ်ထင်တယ်။  ဘာပဲဖြစ်ဖြစ် တစ်ယောက်တည်းလည်း ရေးမှာပဲ။  အခုပြောပြချင်တာကတော့ တရုတ်စာကို လုံးဝ အခြေခံမရှိသူတွေ တရုတ်စကားပြော အတွက် အသင့် download လုပ်ပြီး နားဆင်နိုင်မယ့် website လေးကို ပြောပြပေးပါမယ်။ အဲဒါလေးမပြောခင် တရုတ်စာရဲ့အသံထွက်ပုံ လေးအကြောင်းနည်းနည်း ပြောပြချင်ပါတယ်။

ကျနော်တို့ တရုတ်စာမှာ အဓိကကျတာကတော့ အသံထွက်မှန်ကန်ဖို့ပဲ ဖြစ်ပါတယ်။ ကျနော် ဒါလေးကို ဘာလို့ပြောချင်တာလဲဆိုတော့ တရုတ်စကားမှာ အသံထွက် tone လေးတစ်ခုလွဲတာနဲ့ ဆိုလိုရင်းပါ လွဲသွားနိုင်လို့ပါ။ ကျနော်တို့ မြန်မာဘာသာစကားနဲ့ ယှဉ်ကြည့်မယ်ဆိုရင် မြန်မာဘာသာစကားမှာ အသံအနိမ့်အမြင့် tone ၃ ခုရှိတာတွေ့ရပါတယ်။ ဥပမာဆိုရင် အ အာ အား။ မ မာ မား။ ဆိုပြီး ကျနော်တို့ ငယ်စဉ်အခါက သင်ယူခဲ့ရပါတယ်။ ယခု တရုတ်စာမှာတော့ အသံအနိမ့်အမြင့် tone ၄ ခု အတိအကျ ဆိုရလျှင် tone ၅ ခု ရှိပါတယ်။ အဲဒီအသံ tone အခေါ်အဝေါ်လေးတွေကို မြန်မာလို ပြန်ပေးရမယ်ဆိုရင် သံပြင် (တစ်ပြေးညီအသံ) သံမော် (အသံကိုအနည်းငယ်မြှင့်ပြောသည်) သံဟိုက် (အသံ ကိုနိမ့်ရာမှမြင့်ရသို့ လုပ်ပြီး အသံထွက်သည်) သံလျှော့ (အလွယ်တကူပြောရရင် အောက်ကမြင် ထည့်ပြီးဆိုရတဲ့အသံဖြစ်သည်) သံဖော့ (အသံကိုဖော့ဆိုသည်) ဆိုပြီးရှိပါတယ်။ တရုတ်အသံထွက်ကို ဥပမာပေးရရင် အ အာ အာ (အသံထွက်သည် v ပုံအတိုင်း အသံကိုကျရာကနေတက်သွားရမည်) အာ့ အ ဆိုပြီး “အ” တစ်လုံးတည်းကို အသံ ၅ သံ ထွက်လို့ရပါတယ်။

အဲဒီအသံ tone ၅ ခုကို မှန်မှန်ကန်ကန်ထွက် နိုင်ဖို့ဆိုရင် ကိုယ့်ကိုလမ်းညွှန်သင်ကြားပေးမယ့် ဆရာတစ်ဦးကတော့လိုအပ်ပါတယ်။ ကျနော်တို့ အဓိကက အသံထွက်လေးကို ထွက်တတ်ဖို့ပဲ။ အဲဒီအခြေခံလေးရသွားရင် ဖျင်းရင်း (အင်္ဂလိပ်လိုတရုတ်အသံထွက်တွေကို ရေးထားတဲ့) bo, po, mo, fo,… (ပေါ်၊ ဖော၊ မော၊ ဖော (f)…) ကိုလေ့ကျင့်ရပါမယ်။ အဲဒါတွေရပြီ ဆိုရင်တော့ အဲဒီ ဖျင်းရင်း နဲ့ရေးထားတဲ့ စကားပြောစာအုပ်လေးတွေကို ဖတ်ပြီးကိုယ့်ဟာကိုယ်လေ့လာ နိုင်ပါပြီ။ သိထားသင့်တာတစ်ခုက ကျနော်တို့ အခု တရုတ် official language က Mandarin (မန်ဒရင်) ဘာသာစကားဖြစ်ပါတယ်။ သူ့အသံက ဒေသိယအသံတွေနဲ့ ကွဲလွဲမှုရှိတယ်။ မြင်သာအောင် ပြောရမယ်ဆိုရင် အားလုံးရုပ်ရှင်ထဲမှာ ကြားဖူးနေကြဖြစ်မယ့် စကားလုံးလေးနဲ့ ဥပမာပေးပါ့မယ်။ မြန်မာလို ဆရာ လို့အဓိပ္ဗာယ်သက်ေ၇ာက်တဲ့ တရုတ်အခေါ် လောင်စွတ် ဆိုတာပါ။ မန်ဒရင် ဘာသာစကားနဲ့ပြောမယ်ဆိုရင် အဲဒါကို လောင်ရွှတ် လို့ထွက်မှ မှန်ပါတယ်။ (မြန်မာလိုပေါင်းထားခြင်းဖြစ်သည့်အတွက် အသံထွက်အမှန်ကန်ဆုံးမဖြစ်ပါ။)  အဲဒါအပြင် ကျောင်းသား (တရုတ်လို ရွှယ်စိမ်း)၊ မန်ဒရင်စကားနဲ့အသံထွက်မယ်ဆိုရင် ရွှယ်ရွှန်း လို့ထွက်ရတာ စသဖြင့်ပေါ့။ အများကြီးရှိပါတယ်။ ဒါက ကျနော်လွယ်ကူတဲ့ ဥပမာကို ယူပြတာပါ။ နောက်ထပ် အများကြီးရှိပါတယ်။

နောက်တစ်ခုက အရေးအသားပိုင်းမှာ တရုတ်စာကို လက်ရေးရှည် လက်ရေးတို ဆိုပြီး နှစ်မျိုးနှစ်စား ခွဲခြားထားပါတယ်။ မန်ဒရင်ဘာသာစကားက လက်ရေးတိုကို သုံးပါတယ်။ ခုဆိုရင် ထိုင်ဝမ်ကျွန်းစု လေးမှာသာ လက်ရေးရှည်ကို သုံးစွဲပါတော့တယ်။ တော်တော်များများ လက်ရေးတို ကိုပဲပြောင်းလဲသုံးနေကြပါပြီ။ လက်ရေးတိုနဲ့ လက်ရေးရှည်မှာ ကိုယ်စီစိတ်ဝင်စားစရာကောင်းတဲ့ အချက်လေးတွေရှိပါတယ်။ လက်ရေးရှည်မှာ စာလုံးတိုင်းလိုလိုမှာ သူ့အဓိပ္ဗာယ်နဲ့သူရှိပါတယ်။ လက်ရေးတိုမှာကတော့ အဲလောက်ထိလေးနက်မှု မရှိပါဘူး။ ဒါပေမယ့် သူ့ရဲ့အားသာချက်ကတော့ စာလုံးက စုတ်ချက် တွေအများကြီးဆွဲစရာမလိုတော့ဘူးပေါ့။ ကြားဖူးတာလေး တောင်ရှိသေးတယ်။ ထိုင်ဝမ်က လူတွေက လက်ရေးတိုရေးတဲ့သူတွေကိုပြောတယ်။ မင်းတို့မှာ အချစ် ဆိုတာ မရှိဘူးတဲ့။ အဲဒီတော့ လက်ရေးတိုရေးတဲ့သူတွေက ပြောတာပေါ့ ဘာလို့မင်းတို့က အဲလိုပြောနိုင်သလဲဆိုတော့ လက်ရေးရှည်ရေးတဲ့ ထိုင်ဝမ်ကလူတွေက ဒီမှာလေ မင်းတို့ရေးတဲ့ အချစ် ဆိုတဲ့ စကားလုံးနဲ့ ငါတို့ရေးတဲ့ အချစ်ဆိုတာ မှာကွဲပြားမှုရှိလို့ပေါ့တဲ့။ မှန်ပါတယ်။ လက်ရေးရှည် မှာ တရုတ်လို အိုက် “အချစ်” ဆိုတဲ့ စကားလုံးမှာ စိတ်ထားကိုဖော်ဆောင်တဲ့ စာလုံးလေးပူးတွဲပါနေပါတယ်။ လက်ရေးတိုမှာကတော့ အဲဒါကို ဖြုတ်လိုက်တယ်လေ။ လက်ရေးရှည် 愛, လက်ရေးတို 爱 ခုရေးထားတဲ့ ချစ်ခြင်းဆိုတဲ့ စာလုံးလေးနှစ်လုံးထဲက ကွဲပြားချက်ပေါ့။ အဲဒီလက်ရေးတိုမှာ မပါတဲ့ 心 ဆိုတဲ့စာလုံးလေးက စိတ်၊ နှလုံးသား ကိုဖော်ဆောင်ပါတယ်။ ချစ်တာက စိတ်ထဲကကော နှလုံးသားထဲကကောပေါ့။ လက်ရေးတိုကတော့ မပါခဲ့ဘူးလေ။ ဒါက ကွဲပြားချက်လေး ပြောပြချင်လို့ပါ။ စကားဖြတ်တော့မယ်နော်။ ပြောမယ့်ဟာက Website link ပြောပြမှာ ခုဟာက ပြောရင်း ပြောရင်း နဲ့တပ်ထားတဲ့ခေါင်းစဉ်နဲ့လွဲကုန်တော့မယ်။

ကဲ…ကဲ ခုဟာက ခုနက ကျနော်အပေါ်ကပြောတာတွေလို ဆရာနဲ့အချိန်ပေးပြီး သင်ဖို့အချိန်မပေးနိုင်ရင်လည်း အခြားနည်းလမ်းလေးပေါ့။ သူကတော့ ပေါ၊ဖော၊မော၊ဖော လဲ မလိုဘူး။ အဓိကက သင်ပြီး ထွက်တဲ့အသံကို သေချာလိုက်မှတ်ပြီး သူ့အသံအတိုင်း လိုက်ထွက်နိုင်ရင် ရပါပြီ။ အသံထွက်က Mandarin အသံထွက်အမှန်ပါဘဲ။ စာလုံး သို့ စာကြောင်း ရဲ့အဓိပ္ပာယ်တွေကိုလည်း အင်္ဂလိပ်လို ပြန်ရှင်းပြပေးပါတယ်။ mp3 အနေနဲ့ download ရယူပြီး အားလပ်တဲ့အချိန်လေးတွေမှာ လေ့လာလို့အဆင်ပြေပါတယ်။ အောက်ကလင့်မှာ ၀င်ရောက်လေ့လာနိုင်ပါတယ် ခင်ဗျာ။

http://www.clearchinese.com/mp3-lessons/newbie/index.htm

နောက်ကြော်ငြာလေးဝင်လိုက်အုံးမယ်နော်။  တရုတ်စာလေ့လာရာမှာ ဒေါ်ဝါ၀ါ ရဲ တရုတ် မြန်မာ စကားပြော (simplified Chinese) ရယ် ဒေါ်နီလာတင်ရဲ့ စာအုပ်တွေက တော်တော် အထောက်အကူပြုပါတယ်။ သူက ပေါ၊ဖော၊မော၊ဖောနဲ့ ကော မြန်မာလိုအနီးစပ်ဆုံး အသံထွက်ကိုပါဖော်ပြပေးထားပါတယ်။ ဒါ့အပြင် ကျနော်အပေါ်မှာ ရှင်းပြခဲ့တဲ့ ဗဟုသုတလေးတွေကို စိတ်ဝင်စားတယ်ဆိုရင်တော့ အောက်က ကျနော့် blog မှာလဲ ဖတ်ရှုနိုင်ပါတယ်ခင်ဗျာ။

http://yanpyae.wordpress.com/category/chinese/

 

မှတ်သားမိသမျှ

我们应该经常去想：有什么事别人做不到而我能做到。

有什么事别人做到了我还能做得更好。

သူများမလုပ်နိုင်တဲ့ ဘယ်အ၇ာတွေကို ကျွန်တော်တို့လုပ်နိုင်တယ်ဆိုတာနဲ့ သူများလုပ်နိုင်တဲ့ အရာတွေကိုလည်း ကိုယ်ကပိုကောင်းအောင် လုပ်နိုင်ပါသေးတယ်ဆိုတာ ကျွန်တော်တို့ စဉ်းစားနေသင့်တယ်။

…….

…….

认真做事，

只能把事做对。

用心做事，

才能把事做好。

အလုပ်ကို စေ့စေ့စပ်စပ်လုပ်ပါ။ စိတ်ပါလက်ပါလုပ်ပါ။ ပိုမိုကောင်းမွန်စွာလုပ်ဆောင်နိုင်ပေမည်။

…….

မြန်မာလိုဆီလျော်အောင်ပြန်ပေးထားပါတယ်။

 

Ancestors of the Chinese Nation （华夏之祖）

တရုတ်လူမျိုးတွေဟာ သူတို့ကိုယ်သူတို့ Yan (ရန်), Huang (ဟွမ်) တို့ရဲ့ သားသမီး မြေးမြစ်များလို့ ပြောလေ့ရှိကြတယ်။ အဲလိုပြောရတဲ့ အကြောင်းကတော့ သူတို့ဟာ Yan  ၊ Huang ဘုရင်နှစ်ဦးနဲ့ ဆက်နွယ်နေလို့ပါလို့ သမိုင်းကြောင်းအရ သိရှိရပါတယ်။ သမိုင်းကြောင်းကိုပြောရရင်တော့ လွန်ခဲ့သောနှစ်ပေါင်း ၅၀၀၀ ကျော်ခန့်က တရုတ်လူမျိုးစုတွေရဲ့ ဘိုးဘေးတွေဟာ မြစ်ဝါမြစ်ဝှမ်းတစ်လျှောက်မှာ မျိုးနွယ်စုများ အသီးသီးခွဲပြီးနေထိုင်ကြတယ်။ အဲဒီမျိုးနွယ်စုတွေထဲက လူမျိုးစုနှစ်စုရဲ့ ခေါင်းဆောင်ကတော့ ရန် နဲ့ ဟွမ် ဘုရင်တို့ဖြစ်ပြီး သူတို့နှစ်ဦးဟာ မအေတူဖအေကွဲ ညီအစ်ကိုများဖြစ်ကြတယ်။ သူတို့လိုပဲ ရန်စီမြစ်ဝှမ်းဒေသမှာ အခြေချနေထိုင်တဲ့ Chiyou (ချွတ်ယုံ) ခေါင်းဆောင်တဲ့ လူမျိုးစုတစ်စုလည်းရှိပါတယ်။ ဒဏ္ဍာရီအရပြောရရင် အဲဒီလူမျိုးတွေရဲ့ပုံက တိရစ္ဆာန်တွေကဲ့သို့ ကြောက်စရာကောင်းပြီး သံ၊ကြေးကဲ့သို့မာကြောသောဦးခေါင်းများရှိကာ သဲနဲ့ကျောက်တုန်းများကိုတောင် အစာချေဖျက်နိုင်တဲ့ အစာအိမ်များရှိကြပါတယ်။ ဒါအပြင် သူတို့မှာ လက်နက်ကိရိယာအမြောက်အမြားရှိပြီး မှော်အတတ်ကိုပင် တတ်မြောက်ကြပါတယ်။ Chiyou ကမကြာခဏ သူ့ရဲ့မျိုးနွယ်စုတွေကိုဦးဆောင်ပြီး အခြားမျိုးနွယ်စုတွေကို တိုက်ခိုက်ခဲ့ကြတယ်။ ဒါပေမယ့် အခြားမျိုးနွယ်စုတွေကတော့ သူတို့ကိုပြန်လည်ခုခံနိုင်စွမ်းမရှိခဲ့ပါဘူး။ သူတို့တိုက်ခိုက်တဲ့အထဲမှာ Yan ဘုရင်ရဲ့မျိုးနွယ်စုများလည်း အပါအ၀င်ဖြစ်တယ်။ Yan ဘုရင်ဟာ စစ်ရေးနိမ့်တဲ့အခါမှာတော့ Huang ဘုရင်ထံမှာ အကူအညီတောင်းခံခဲ့တယ်။

ဒါနဲ့ Huang ဘုရင်က သူတို့မျိုးနွယ်စုတွေကို စုစည်းပြီး လက်နက်အသစ်အဆန်းများကို တီထွင်ခဲ့တယ်။ ဒါ့အပြင် အာဇာနည်သူရဲကောင်း Ying Long ကိုလည်း တောရိုင်းတရိစ္ဆာန်အမျိုးမျိုးကို ဖမ်းဆီးခိုင်းပြီး စစ်အတွင်းရဲမက်အဖြစ်အသုံးချနိုင်ဖို့ ယဉ်ပါးအောင် လေ့ကျင့်သင်ကြားဖို့ခိုင်းစေခဲ့တယ်။ မကြာခင်မှာ တောရိုင်းတိရစ္ဆာန်တွေက သူရဲကောင်း Ying Long ရဲ့အမိန့်ကိုနာခံလာကြတယ်။ Huang ဘုရင်ဟာ Ying Long အားတောရိုင်းတရိစ္ဆာန်များကို ကင်းပုန်းချထားရန်အမိန့်ပေးပြီး မျိုးနွယ်စုအသီးသီးကို ကိုယ်တိုင်ဦးဆောင်ကာ Chiyou ကိုသွားရောက်တိုက်ခိုက်လေသည်။

Huang ဘုရင် သည် Chiyou နှင်ခဏကြာတိုက်ခိုက်ပြီး တပ်ဆုတ်ဟန်ဆောင်ကာ Chiyou နဲ့သူ့တပ်သားများကို တောရိုင်းတိရစ္ဆာန်များ ကင်းပုန်းချထားတဲ့နေရာကို မျှားခေါ်သွားကြတယ်။ ကင်းပုန်းချထားတဲ့နေရာကို ရောက်တဲ့အခါမှာတော့ သူရဲကောင်း Ying Long ကချက်ချင်း တိရစ္ဆာန်များကို ရန်သူများကို တိုက်ခိုက်ဖို့အမိန့်ပေးလိုက်တဲ့အခါ တိရစ္ဆာန်များက ရန်စွယ်တငေါငေါနဲ့ ရန်သူတွေကို ကုတ်ခြစ် တိုက်ခိုက်ကြတယ်။ ဒီလိုနဲ့ Chiyou ဟာ သူ့ရဲ့တပ်သားတွေ သေသူသေ၊ ဒဏ်ရာရသူရ၊ ပြေးသူပြေး ဖြစ်နေတဲ့အခြေအနေကို မြင်တဲ့အခါ ချက်ခြင်းမှော်အတတ်ပညာကို အသုံးချပြီး လေပြင်းမုန်တိုင်းကြီးတစ်ခုဖန်တီးခဲ့တယ်။ ထိုအခါ ကောင်းကင်တစ်ခုလုံးမည်းမှောင်သွားပြီး ဘာကိုမှမမြင်ရတော့ပေ။ Chiyou က Huang ဘုရင်ရဲ့တပ်သားများဟာ မျက်စိလည်လမ်းပျောက်ဖြစ်သွားလိမ့်မည်ဟုတွေးထင်ခဲ့သော်လည်း Huang ဘုရင်က သူ့ရဲ့ ဖန်တီးမှုအသစ်ဖြစ်တဲ့ သံလိုက်အိမ်မြှောင်တပ်ဆင်ထားတဲ့ လှည်းပေါ်တွင်ဦးဆောင်လျက် တပ်သားများနဲ့ Chiyou ဆီသို့ဦးတည်လာခဲ့တယ်။ နောက်ဆုံးမှာ Chiyou ရဲ့တပ်သားများကျဆုံးပြီး သူရဲကောင်း Yin Long က Chiyou ကိုသတ်ဖြတ်နိုင်ခဲ့ပြီး Huang ဘုရင်က စစ်ပွဲမှာအနိုင်ရရှိခဲ့ပါတယ်။

ထိုအချိန်မှ၍ လူအများက Huang ဘုရင်အား မိုးနတ်မင်းသားတော်ဟု ခေါ်ဆိုကြပြီး မျိုးနွယ်စုအသီးသီးရဲ့ ခေါင်းဆောင်အဖြစ်တင်မြှောက်ကြတယ်။ Huang ဘုရင်က မျိုးနွယ်စုတွေကို ဦးဆောင်ပြီး လယ်ယာအထွက်တိုးရေး၊ စာပေဖွံ့ဖြိုးတိုးတက်ရေး စတာတွေကို ကြိုးပမ်းဆောင်ရွက်ခဲ့တယ်။ ဒါ့အပြင် Huang ဘုရင်ဟာ တရုတ်ပြည်ဍ္ဍ် ပထမဆုံး ရက်၊ လ၊ နှစ် တွက်နည်းကို တီထွင်ခဲ့ပြီး Huang Di Li (ဟွမ်သိလိ) ဟုလည်းကောင်း၊ Huang Li (ဟွမ်လိ) ဟုလည်းကောင်းခေါ်တွင်ခဲ့တယ်။ Huang ဘုရင် သည် နာမည်ကျော်ကြားသောဆရာဝန်ကြီး Qi Bo (ချီပေါ်) နဲ့အတူ ဆေးပညာများကိုလည်း သုတေသနပြုလုပ်ခဲ့ပြီး သူတို့၏ဆေးပညာသဘောတရားများအကြောင်းကို Huang Di Nei Jing (ဟွမ်သိနေ့ကျင်း) ဟူသောအမည်ဖြင့်နောင်လာနောက်သားများအတွက် ရေးသားပြုစုခဲ့သည်။  Huang ဘုရင်သည် သူ၏ဇနီးကိုလည်း အများပြည်သူကို ပိုးမွေးမြူနည်းအတတ်ပညာ သင်းကြားပေးစေ၍ အရောင်အသွေးစုံလင်တောက်ပသည့် အ၀တ်အစားများကို ပြုလုပ်စေခဲ့သည်။ ဒါ့အပြင် သမိုင်းပညာရှင် Cang Xie (ချန်းရှယ်) အား စာလုံးသင်္ကတများတီထွင်စေသည့်အပြင် တေးဂီတပညာရှင်များကိုလည်း အမျိုးမျိုးသောတူရိယာ ပစ္စည်းများကို တီထွင်ပြုလုပ်စေခဲ့သည်။ အိမ်၊ ယာဉ်၊ လှေ အစရှိသည်တို့ကိုလည်း တည်ဆောက်ခဲ့ကြသည်။ ကြေးကိုအသုံးပြုပြီး လက်နက်များကိုလည်း ပြုလုပ်ခဲ့ကြသည်။ ထို့ကြောင့် မြစ်ဝါမြစ်ဝှမ်းဒေသသည်  ရှေးခေတ်တရုတ်စာပေယဉ်ကျေးမှု အချက်အချာဒေသဖြစ်လာပြီး ရှေးခေတ်တရုတ်လူမျိုးတို့၏ စာပေယဉ်ကျေးမှုမြစ်ဖျားခံရာ ဒေသတစ်ခု ဖြစ်လာခဲ့သည်။

မြစ်ဝါမြစ်ဝှမ်းဒေသတွင်ရှိသော မျိုးနွယ်တူများက သူတို့ကိုယ်သူတို့ Hua (ဟွာ)လူမျိုး နှင့် Huaxia (ဟွာရှ) လူမျိုးများဟု သတ်မှတ်ခေါ်ဆိုခဲ့ကြသည်။ Huaxia လူမျိုးများသည် ပြည်သူလူထုတွေကို စာပေယဉ်ကျေးမှုများတဖြည်းဖြည်းနှင့် တိုင်းပြည်တစ်ပြည်လုံးပျံ့နှံ့စေရန် လက်ဆင့်ကမ်းပေးခဲ့ကြသည်။ ဤနည်းဖြင့် Zhong Hua Min Zu (ကျုံးဟွာမင်ဇူ) ဟူသောအခေါ်အဝေါ်သည် တရုတ်ပြည်ရှိလူမျိုးစုများအားလုံး၏ ယေဘူယအခေါ်အဝေါ် ဖြစ်လာခဲ့သည်။ တရုတ်ပြည်သူလူထုများသည် Huang ဘုရင်အား လွန်စွာကြည်ညိုလေးစားကြပြီး Huaxia လူမျိုးတို့၏ဘိုးဘေးအဖြစ်သတ်မှတ်ကြသည်။ ဒါအပြင်မိမိကိုယ်ကိုယ်လည်း ဟွမ်ဘုရင်၏ မြေမြစ်များအဖြစ်ခံယူကြသည်။ ဒါ့အပြင် ရန် နှင့် ဟွမ် ဘုရင်တို့သည် မိခင်တစ်ဦးတည်းမှ မွေးဖွားသဖြင့် လူမျိုးစု ၂ စုပူးပေါင်းလိုက်ကြပြီးနောက် တရုတ်လူမျိုးတို့သည် မိမိကိုယ်မိမိ ရန် ဟွမ် တို့၏မြေးမြစ်များ ဟုပြောဆိုခဲ့ကြသည်။ တစ်ဆင့်စကားပြောဆိုချက်များအရ ဟွမ်ဘုရင်အသက် (၁၀၀) ပြည့်သည့်နေ့တွင် မိုးပေါ်မှနတ်နဂါးက သူ့အားကြိုဆိုပြီး နတ်နဂါးစီး၍ ကောင်းကင်ပေါ်သို့ လိုက်ပါသွားခဲ့သည်။ နောက်ပိုင်းတွင် လူအများက ဟွမ်ဘုရင်အား အထိမ်းအမှတ်အနေဖြင့် ရှေးဟောင်းမြို့တော်ဖြစ်သည့် Xi’an (ရှီးအန်း) ဍ္ဍ် ဟွမ်ဘုရင်ဗိမာန်ကို တည်ဆောက်ပေးခဲ့သည်။

Ref: Internet, MUFL course (炎黄子孙)

 

All Possible Pinyin Syllables in Mandarin Chinese

 

တရုတ်လူမျိုးတို့၏ (姓) မျိုးရိုးနှင့် (名) အမည် အပိုင်း (၃)

အသစ်ထွက်ပေါ်လာသော မျိုးရိုးနာမည်များမှာမူ အဆင်ပြေသလိုမှည့်ခေါ်မှုများ များပြားလာခဲ့ သည်။ မြေထည်လုပ်ငန်း လုပ်သော အလုပ်သမားများသည် 陶器 (ထောင်ချိ = မြေထည်၊ အိုးထန်း) မှ 陶 (ထောင်) စာလုံးကို Xing အဖြစ်မှည့်ခေါ်သလို စုန်း၊ မှော်အတတ်ပညာဖြင့် အသက်မွေးဝမ်းကျောင်းပြုသူတို့သည် 巫师 (၀ူးရှစ်း = စုန်း၊ မှော်ဆရာ) မှ 巫 (၀ူး) စာလုံးကို Xing အဖြစ်မှည့်ခေါ်ကြသည်။ 池 (ချွတ်~ = ရေကန်) အနီးအနားနေထိုင်သူကလည်း 池(ချွတ်~) ဆိုသောစာလုံးကို Xing အဖြစ်မှည့်ခေါ်ကြသဖြင့် နီးစပ်ရာ အလုပ်အကိုင်၊ အရာဝတ္ထု၊ ပတ်ဝန်းကျင်တို့ကို ကိုယ်ပိုင် Xing အဖြစ်အသုံးပြုလာကြသည်။ တရုတ်နိုင်ငံ 东汉 (သုံးဟန့်) တွင် နာမည်ကြီးစာပေပညာရှင် 东方朔 (သုံးဖန်းလျှော့) ဟူသောအမည်ဖြစ် ပေါ်လာပုံကို ပြောရလျှင် ဖခင်သည် 张 (ကျန်း) မျိုးနွယ်ဖြစ်ပြီး သုံးဖန်းလျှော့မမွေးခင် ကွယ်လွန်ခဲ့သည်။ မိခင်မှာ သုံးဖန်းလျှော့ကိုမွေးပြီး သုံးရက်အကြာတွင် ကွယ်လွန်ခဲ့သည်။ ထို့ကြောင့် ကလေးကို အိမ်နီးချင်းတစ်ယောက်က ခေါ်ယူမွေးစားကာ အမည်ပေးရာတွင် ကလေးမွေးဖွားစဉ်က 东方 (အရှေ့အရပ်) မှ အလင်းများစတင်ထွက်ပေါ်လာချိန် မွေးဖွား သဖြင့်东方 (သုံးဖန်း) ဟူသောစာလုံးကို မျိုးရိုးအမည်အဖြစ်မှည့်ကာ 东方朔 (သုံးဖန်းလျှော့) ဟူသောအမည် ဖြစ်ပေါ်လာခြင်း စသည့် ဖခင်မျိုးရိုးမှ မျိုးရိုးပြောင်းလဲသွားရသည့် အဖြစ်မျိုးလည်း မကြာခဏပေါ်ပေါက်ခဲ့သည်။

အထူးသဖြင့် ပဒေသရာဇ်စနစ်အဖွဲ့အစည်း များတွင် ထိုကဲ့သို့များစွာဖြစ်ပွားခဲ့သည်။ ထိုအချိန်က ပြည်သူလူထုတို့သည် ဘုရင်နှင့် ဂုဏ်သရေရှိလူကြီးမင်းတို့၏ မူလးအမည်ကို မှည့်ခေါ်ခွင့်မရှိပေ။ အကယ်၍ မှည့်ခေါ်မည် ဆိုလျှင်လည်း အဓိပ္မာယ်တူ၊ အသံထွက်တူ သို့မဟုတ် စာလုံးချင်းခပ်ဆင်ဆင်တူသည့် စကားလုံးဖြင့် အစားထိုးခေါ်ဆိုခွင့်သာ ရှိလေသည်။ အကယ်၍ အမိန့်မနာခံလျှင် မလေးစားသည်ဟု ယူဆပြီး အခန့်မသင့်လျှင် သေမိန့်ပေးသည်အထိ ရှိခဲ့သည်။ ဥပမာ ဆိုရလျှင် 东汉(သုံးဟန့်) ခေတ်ရှိ 明 (မင်) မင်းဆက်ဘုရင်၏ မျိုးရိုးမှာ 刘 (လျှို) ဖြစ်ပြီး အမည်မှာ 庄 (ကျွမ်း) ဖြစ်သည်။ ထိုအခါ မျိုးရိုး 庄 (ကျွမ်း) ဖြစ်သည့် အိမ်ထောင်စုများသည် စာလုံးချင်း အနက်အဓိပ္မာယ်ဆင်တဲ့ 严 (ရန်) စာလုံးကို မျိုးရိုးအမည်အဖြစ် ပြောင်းလဲခေါ်ဆိုခဲ့ ရသည့်ဖြစ်ရပ်များ ရှိခဲ့သည်။  汉朝 (ဟန့်ချောင် = ဟန်မင်းဆက်) ချုပ်ငြိမ်းသွားပြီးမှသာ လူအချို့ဟာ သူတို့ရဲ့မူလမျိုးရိုးဖြစ်တဲ့ 庄 (ကျွမ်း) ကိုပြန်လည်ပြောင်းကြပြီး အချို့မှာတော့ 严 (ရန်) မျိုးရိုးကိုသာ ဆက်လက်ထိန်းသိမ်း ခဲ့ကြသည်။

名 (မင်) အမည် ဆိုသောစာလုံးကို ခွဲခြမ်းစိတ်ဖြာကြည့်လျှင် 夕 (ရှီး) ညနေခင်း နှင့် 口 (ခုံ) ပါးစပ် စကားလုံးနှစ်ခု ပေါင်းစည်းထားပြီး မူလအနက်အဓိပ္မာယ်မှာ “ညနေခင်းတွင် အပြန်အလှန် နှုတ်ခွန်းဆက်သခြင်း” ဟူ၍ဖြစ်သည်။ ရှေးခေတ် နာမည်မရှိခင်အချိန်အခါက လူအချင်းချင်းတွေ့ကြသောအခါ ခေါင်းကိုငုံ့ပြခြင်း (သို့) လက်ရိပ်လက်ဟန်ဖြင့်သာ နှုတ်ဆက် ကြသည်။ ထိုသို့နှုတ်ဆက်ခြင်းသည် နေ့ခင်းဘက်တွင် အဆင်ပြေနိုင်သော်လည်း ညနေခင်း အချင်းချင်းမသဲကွဲချိန်တွင် ပါးစပ်ဖြင့်နှုတ်ဆက်ခြင်းက ပိုမိုအဆင်ပြေလာသဖြင့် တဖြည်းဖြည်း အမည်များမှည့်ခေါ်လာကြသည်။ သို့သော် ပထမဆုံး အမည်မှည့်ခေါ်မှုများမှာ အလွန်ရိုးရှင်းကြ သည်။ ပုံမှန်အားဖြင့် လူတို့၏ပုံပန်းသဏ္ဍာန်ဖွဲ့စည်းပုံကို အဓိကထား ခေါ်ဆိုခဲ့ကြသည်။ ဥပမာ ဆိုရသော် ၀သောလူတစ်ယောက်ကို ၀တုတ်၊ အရပ်ရှည်သူတစ်ယောက်ကို အရှည်ကြီး စသဖြင့် ခေါ်ဆိုကြသည်။

ယခင်က တရုတ်လူမျိုးတို့သည် အမည်ကို အထူးသဖြင့် ကျေးလက်ဒေသနေထိုင်သူတို့သည် အမည်ကို အလွန်ရိုးစင်းစွာ မှည့်ခေါ်ကြသည်။ မိန်းကလေးကို အမည်မှည့်ခေါ်လျှင် 花 (ဟွာ) ပန်း၊ 草 (ချောင်) မြက်၊香 (ရှန်း) မွှေးကြိုင်သည်၊ 淑 (ရှူး) တင့်တယ်မြင့်မြတ်သော၊ 琴 (ချင်) စောင်း၊ 菊 (ကျွီ) ဂန္ခမာ စသည့်စကားလုံးများ အမြဲတစေပါဝင်သလို ယောင်္ကျားလေးများ ဆိုလျှင် လည်း 铁柱 (ထျယ်ကျူ့) သံတိုင်၊ 铁蛋 (ထျယ်သန့်) သံလုံး၊ 金锁 (ကျင်းဆော်) ရွှေသော့၊ 银锁 (ရင်ဆော်) ငွေသော့၊ 铜锁 (ထုံဆော်) ကြေးသော့၊ 大山 (သရှန်း) တောင်ကြီး၊ 石头 (ရွှတ်~ထုံ) ကျောက်တုံး၊ 牛娃 (ညုံဝါး) နွားကလေး စသည့်စကားလုံးများ ဖြင့် မှည့်ခေါ်လေ့ရှိ ကြသည်။ သူတို့သည် ထိုသို့ထပ်တူပြုမှည့်ခေါ်ခြင်းဖြင့် မိန်းကလေးဆိုလျှင် လှပသော၊ တည်ငြိမ်သော သဘောဆောင်စေပြီး ယောင်္ကျားလေးဆိုလျှင် ကိုယ်ခန္ခာကျန်းမာ သန်စွမ်းခြင်း၊ အေးဆေးခြင်း၊ အလုပ်ကောင်းကောင်းလုပ်နိုင်ခြင်း၊  ၀တ်နိုင်စားနိုင်ခြင်း တို့ကို ဖြစ်စေသည်ဟု ယူဆသောကြောင့်ဖြစ်ပါသည်။

နောက်ပိုင်းတွင် အထူးသဖြင့် စာတတ်ပေတတ် မိသားစုများသည် အမည်ကိုပို၍ အလေးထား လာကြပြီး နက်နဲသော အဓိပ္မာယ်တို့ဖြင့် မှည့်ခေါ်လာကြသည်။ တရုတ်ပြည်တွင် နာမည်ကြီး ပန်းချီဆရာတစ်ဦးဖြစ်သည့် 徐悲鸿 (ရွှီပေးဟုန်) ဆိုသူသည် ငယ်စဉ်ကအလွန်ဆင်းရဲပြီး ကျောင်းမတတ်နိုင်သောကြောင့် အဖော်ကင်းမဲ့နေသော 鸿 (ဟုန်) ဘဲ ရုပ်ဆိုးလေးသဖွယ် အမြဲ အထီးကျန်ဆန်၊ 悲哀 (ပေးအိုင်း) ၀မ်းနည်းကြေကွဲ ခဲ့ရသောကြောင့် သူ့အမည်ကို 悲鸿 (ပေးဟုန်) ဟုအမည်ပြောင်းလဲခဲ့သည်။ တရုတ်ပြည်တွင် ကွယ်လွန်ခဲ့ပြီးဖြစ်သော ဘူမိဗေဒပညာရှင် 李四光 (လီစွတ်ကွမ်း) ဆိုသူ၏ မူရင်းအမည်မှာ 李仲揆 (လီကျုံ့ခွေ) ဖြစ်သည်။ သူသည် ငယ်စဉ်က ဥာဏ်ကောင်းပြီး စာတော်သူတစ်ဦးဖြစ်သောကြောင့် အသက် ၁၄နှစ် အရွယ်တွင် ဂျပန်သို့ပညာတော်သင်စာမေးပွဲဝင်ဖြေရာ ပထမရခဲ့သည်။ သို့ရာတွင် မှတ်ပုံတင်ဖို့ form  ဖြည့်ရာတွင် အမည်နေရာတွင် အသက် 十四 (ရွှတ်~စွတ်) ဆယ့်လေးနှစ်ဆိုကာ မှားယွင်းဖြည့်စွက်ခဲ့သည်။ ထိုအချိန်တွင် form အသစ်ဝယ်ရန်လည်း ပိုက်ဆံလည်းမကျန်သောကြောင့်  ဖြတ်ခနဲအကြံတစ်ခုပေါ်ကာ 十 (ရွှတ်~) တစ်ဆယ် စာလုံးကို 李 (လီ) စာလုံးအဖြစ်ပြောင်းလဲ ရေးလိုက်သည်။ သို့သော် 李四 (လီစွတ်) ဆိုသောအမည်မှာ နားထောင်၍မကောင်းသောကြောင့် 光 (ကွမ်း) တောက်ပခြင်း ဆိုသော စာလုံးကိုပါ ထပ်မံပေါင်းထည့်လိုက်ရာ 李四光 (လီစွတ်ကွမ်း) “ အရပ်လေးမျက်နှာတွင် ထွန်းလင်းတောက်ပနေသည့် လီမျိုးရိုး” ဟူ၍ လှပတင့်တယ်သည့် အဓိပ္မာယ် သက်ရောက် သွားခဲ့သည်။ ထို့ကြောင့် မူရင်းအမည် 李仲揆 (လီကျုံ့ခွေ) ပျောက်ကာ 李四光 (လီစွတ်ကွမ်း) ဆိုသောအမည်ဖြင့် ထင်ပေါ်ကျော်ကြား သော ဘူမိဗေဒပညာရှင်တစ်ဦးအဖြစ် ရပ်တည်ခဲ့သည်။ ထို့အပြင် တရုတ်ပြည် နိုင်ငံတော် သီချင်းကို ရေးစပ်ခဲ့သည့် 聂耳 (ညဲ့အယ်) ဆိုသူ၏အမည်ရင်းမှာ 聂守信 (ညဲ့စိုရှင့်) ဖြစ်သည်။ နောက်တော့ လူတိုင်းက သူ့ဟာ သံစဉ်မျိုးစုံကိုနားထောင်ရာမှာ အလွန်သွက်လက်ချက်ချာသူအဖြစ် တွေ့ရှိရသောကြောင့် သူ့၏မိခင်က သူ့ကို 聂耳(ညဲ့အယ်) 耳 = နား “တစ်ကိုယ်လုံးမှာ နားတွေနဲ့ဖုံးလွှမ်းထားတယ်” လို့ပြောင်းလဲမှည့်ခေါ်ခဲ့တယ်။ သူရေးသားခဲ့တဲ့ သီချင်းများကလည်း ကြီးမားတဲ့အောင်မြင်မှု များ ရရှိခဲ့ပါတယ်။

 

တရုတ်လူမျိုးတို့၏ (姓) မျိုးရိုးနှင့် (名) အမည် အပိုင်း (၂)

ဖခင်ကမျိုးရိုး (姓=ရှင့်(Xing)) သယ်ဆောင်သည့် လူ့အဖွဲ့အစည်း ဖြစ်ပေါ်လာသည့် အခါတွင်တော့ တစ်လင်တစ်မယားစနစ် ကို စတင်ကျင့်သုံးလာကြတယ်။ ထိုအချိန်တွင် မွေးလာသည့် ကလေးသည် မိခင်မည်သူဆိုတာသိသည့်အပြင် ဖခင်မည်သူ ဆိုတာကိုပါ သိရှိလာကြသည်။ ထို့ကြောင့် ဖခင်နှင့်သွေးသားတော်စပ်မှုသည်လည်း ပိုမိုတိကျပေါ်လွင်လာ ခဲ့သည်။ သို့နှင့် မိသားစုတစ်စုမှ သားသမီးများ မွေးဖွားပြီးနောက် သားသမီးများ အိမ်ထောင် ပြုချိန်တွင် အချို့သားသမီးများမှာအိမ်ထောင်စုမှ ခွဲထွက်သွားကြသည်။ ထိုအချိန်က သမရိုးကျအားဖြင့် မိသားစုတစ်ခုတွင် ပထမဆုံးမွေးသည့်သားသာလျှင် ဖခင်၏ ဥစ္စာ စည်းစိမ်နှင့် မျိုးရိုးကို ဆက်ခံခွင့်ရှိကြသည်။ အခြားသောမွေးချင်းများမှာမူ မိသားစုနှင့် ခွဲခွာပြီး အိုးသစ်အိမ်သစ် ထူထောင်လျှင် သူတို့သည်ယခင်မိဘမိသားစု၏မျိုးရိုးအမည်ကို လက်ထပ်သည့်အမျိုးသား၏ မျိုးရိုးနောက်ဆက်အဖြစ် သတ်မှတ်လိုက်ရသည်။ ထိုမျိုးရိုးနောက်ဆက်ဖြစ်သွားခြင်းကို တရုတ်လို(氏 = ရွှတ်(shi)) ဟုခေါ်သည်။ ဥပမာ- မိန်းကလေးများ အိမ်ထောင်ကျပြီးလျှင် အမျိုးသား၏ Xing ၊ ပြီးနောက် မူလ Xing နောက်မှာ shi ကိုထည့်သည်။ ရှင့် ၀မ် အမျိုးသမီးက ရှင့် လျှို အမျိုးသားကို လက်ထပ်လျှင် သူမကို Liu wang shi (လျှိုဝမ်ရွှတ်) လို့ခေါ်သည်။ သို့ရာတွင် ၎င်းအသုံးကို သေဆုံးသည့်အခါနှင့် စာအရေးအသားတွင်သာ အသုံးများသည်။ မေးခွန်းမေးရာတွင်လည်း သင်ဘာ Xing လဲ လို့ပဲမေးတာများသည်။ ဘာ shi လဲလို့မမေးပါ။

ဤသို့မျိုးဆက်များ ခေတ်အဆက်ဆက် တစ်ဆက်ပြီးတစ်ဆက် ခွဲထွက်သွားတဲ့အခါတွင် 同姓不同氏 “မျိုးရိုးတူပြီး မျိုးရိုးနောက်ဆက်မတူခြင်း” တို့ဖြစ်ပေါ်လာခဲ့သည်။ ကျွန်ပိုင်ရှင်စနစ် ခေတ်တွင် မှုးမတ်၊ မင်းဆွေမင်းမျိုး စသည့်သူများတွင်သာ မျိုးရိုး (姓=Xing) နှင့် မျိုးရိုး နောက်ဆက် (氏 = shi) ခွဲခြားတော့သည်။ ရှေးခေတ်အခါကမူ (姓= Xing) နှင့် (氏 = shi) အသုံးပြုပုံမှာ ကွဲပြားခြားနားသည်။ (姓=Xing) ကိုသွေးသားတော်စပ်သူများအတွက်သာ ခေါ်ဆိုအသုံးပြုပြီး လက်ထပ်ခြင်းတွင်မူကန့်သတ်ချက်များ သတ်မှတ်ထားသည်။ ဆိုရသော် အမျိုးသား အမျိုးသမီး လက်ထပ်လျှင် (姓=Xing) တူပြီး (氏 = shi) မတူလျှင် လက်ထပ်ခွင့် မရှိဘဲ (氏 = shi) တူပြီး (姓=Xing) မတူမှသာ လက်ထပ်၍ရခြင်းဖြစ်သည်။ ပထမဆုံး ပေါ်ပေါက်လာသော (氏 = shi) များသည် နေရာဒေသ၊ ရာထူနေရာများကို အစွဲပြုပြီး မှည့်ခေါ်လေ့ရှိကြသည်။ ထို့ကြောင့် (氏 = shi) ကို လူ့ဘောင်နေရာ၊ အဖွဲ့အစည်း၏ အမှတ်သင်္ကေတများအဖြစ် ပြောင်းလဲ မှတ်ယူလာကြသည်။

တရုတ်နိုင်ငံမှာ ကျန်ရှိနေသေးသော မျိုးရိုးနောက်ဆက်ပါဝင်သည့် မျိုးရိုးအမည်များအများစုတွင်阝(အဲယ်သောင်းဖန်) ဆိုသောစာလုံး ညာဘက်တွင်ပါရှိပြီး အချို့မှာ နိုင်ငံအမည်၊ နေရာအမည်များ ဖြစ်ကြသည်။ ဥမမာ- 邓 (သိမ့်)၊ 邢 (ရှင်)၊ 朗 (လန်)၊ 郭 (ကော)၊ 郑 (ကျိန့်) 华 (ဟွ)၊ 蒋 (ကျန်)၊ 蒙 (မွန်ဂ်)၊ 盖(ကဲယ်)၊ 苏 (စူး)၊ 陈 (ချိန်)၊ 阳(ရန်) စသဖြင့် ခန့်မှန်းချေ မျိုးရိုး အမျိုးပေါင်း တစ်ထောင်ကျော်တည်ရှိပါသည်။ ဒါ့အပြင် တရုတ်နိုင်ငံတွင် ရှေးယခင်က စက်ရုံ တည်ထောင်သော အရာရှိများကို 司空 (စွတ်းခုန်း)၊ စစ်တပ်နှင့် စစ်ဖက်ဆိုင်ရာ ဘဏ္ဍာထိန်း တို့ကို 司马 (စွတ်းမာ)၊ ရဲ၊ တရားရုံး နှင့် ထောင် ရှိအရာရှိများကို 司寇 (စွတ်းခုတ်) အစရှိသဖြင့် သတ်မှတ်ခေါ်ဆိုကြရာ ထိုစာလုံးများသည် နောက်တွင် စာလုံးနှစ်ခု ဖြင့်ဖွဲ့စည်းထားသော မျိုးရိုး ပေါ်ပေါက်လာခြင်း အစဖြစ်လာခဲ့သည်။ ဥပမာ 诸葛 (ကျူးကဲယ်)  ဆိုသောစာလုံးနှစ်ခုနှင့် ပေါင်းစပ်ထားသည့် Xing ကို မည့်သို့ပေါ်ပေါက်လာသနည်းဟု ဆိုရလျှင် သမိုင်းအရဖြစ်ရပ်နှစ်ခု ရှိပါသည်။

တစ်ခုမှာ 葛 (ကဲယ်) မျိုးရိုးအစသည် ယခု 山东 (ဆန်းသုံး) ခရိုင် 诸 (ကျူး) မြို့နယ်တွင် နေထိုင်ခဲ့ကြသည်။ နောက်တွင် 阳都 (ရန်သုန်း) ဟုခေါ်သော ယခင်ကတည်းက葛 (ကဲယ်) လူမျိုးနယ်ခံများရှိသည့် နေရာသို့ပြောင်းရွှေ့ကြသည်။ ထို့ကြောင့် နောက်မှပြောင်းရွှေလာသောသူများကို 诸葛 (ကျူးကဲယ်) မျိုးရိုးဟု မှည့်ခေါ်လိုက်ကြသည်။ နောက်တစ်ခုမှာ 秦朝 (ချင်ချောင်) ချင်မင်းဆက် ခေတ်နှောင်းပိုင်းအချိန်တွင် တောင်သူ လယ်သမားအရေးတော်ပုံ တပ်ဖွဲ့တွင် အမည် 葛婴 (ကဲယ်ရင်း) ခေါ်သော ထင်ရှား ကျော်ကြားသည့် ဗိုလ်ချုပ်တစ်ယောက် ရှိခဲ့သည်။ သူသည်များစွာသော စွမ်းဆောင်မှုများကို ပြုလုပ်ခဲ့သည်။ 汉朝 (ဟန့်ချောင်) ဟန်မင်းဆက်တည်ထောင်သည့်အချိန်တွင် 葛婴 (ကဲယ်ရင်း)၏ မြေးအား ဘုရင်မင်းမြတ်က 诸 (ကျူး) မြို့တော်တွင် ဘုရင်အဖြစ်မြှောက်စားခဲ့ သည်။ ထို့ကြောင့် သူတို့တစ်အိမ်သားလုံး၏ မျိုးရိုးအမည် သည် 诸葛 (ကျူးကဲယ်) မျိုးရိုး အဖြစ် ပြောင်းလဲခေါ်တွင်ခဲ့သည်။

ချင်မင်းဆက်ပြီးနောက် ကျွန်စနစ်ခေတ်မှလွတ်မြောက်ကာ လွတ်လပ်သောပြည်သူများအဖြစ် ရပ်တည်ခဲ့သည်။ ထိုအချိန်မှစ၍ လူတိုင်းလူတိုင်းတွင် မျိုးရိုးများရှိလာပြီး   (姓=Xing) နှင့် (氏 = shi) ခွဲခြားခြင်းမှာလည်း တဖြည်းဖြည်း ပျောက်ကွယ်သွားခဲ့သည်။

ဆက်လက်ရေးသားပါမည်။

 

တရုတ်လူမျိုးတို့၏ (姓) မျိုးရိုးနှင့် (名) အမည် အပိုင်း(၁)

Preface:

ကျနော် တရုတ်လူမျိုးတို့၏ မျိုးရိုး နှင့် အမည် သမိုင်းကြောင်းကို ဘာသာပြန်ဆိုရခြင်းမှာ တရုတ်လူမျိုးတို့ရဲ့ မျိုးရိုး၊ အမည်  တွေက မည်သို့မည်ပုံဖြစ်ပေါ်လာရသည်ကို လူသိနည်းသည်ဟု ထင်မိတာကြောင့် ရေးဖြစ်သွားခြင်းဖြစ်ပါတယ်။ တရုတ်ဘာသာ တတိယနှစ်သင်ကြားစဉ်က သင်ယူခဲ့ရသောဖတ်စာမှ ပြန်လည်ပြန်ဆိုပေးထားခြင်းဖြစ်ပါတယ်။ ကျနော်တို့ သင်ကြား စဉ်မှာ ဆရာကတရုတ်ပြည်မှဆရာပြီး မြန်မာလိုမတတ်သည့်အတွက် တရုတ်လိုပဲ ရှင်းပြခဲ့ပါတယ်။ အဲဒါကြောင့် ယခုကျနော် မြန်မာဘာသာပြန်ဆိုထားရာတွင် စာဖတ်သူများ မရှင်းလင်းသည်များ ရှိခဲ့ပါက ဘာသာပြန်သူ၏ အားနည်းချက်သာ ဖြစ်ကြောင်း ၀န်ခံလိုပါသည်။

တရုတ်လူမျိုးတို့၏ (姓) မျိုးရိုးနှင့် (名) အမည် အပိုင်း (၁)

ကမ္ဘာပေါ်တွင်ရှိသော လူမျိုးအများစု၏ မျိုးရိုးဖြစ်တည်လာမှုသည် လွန်စွာနောက်ကျလှပြီး မျိုးရိုးသက်တမ်းတည်မြဲမှုမှာလဲ အတိုဆုံးလေးငါးဆယ်နှစ်မှစတင်၍ အကြာဆုံးနှစ်ပေါင်း လေးငါးရာ ထိသာဖြစ်သည်။ ခရစ်တော်မတိုင်မှီ နှစ်ပေါင်း လေးငါးထောင်ခန့်တွင် လူမျိုးတစ်ခုအဖြစ်တည်ရှိခဲ့သည့် အနောက်တိုင်းလူမျိုးများ၏် မျိုးရိုး (surname) သည်ပင် နောက်ကျမှပေါ်ပေါက်ခဲ့ပြီး အချို့လူမျိုးဆိုလျှင် ယခုထက်ထိ နာမည်သာရှိပြီး မျိုးရိုးသမိုင်းကြောင်းမရှိသည်များလည်း ရှိပါသည်။ သို့ရာတွင် တရုတ်ပြည်တွင် လွန်ခဲ့သော နှစ်ပေါင်းများစွာကပင် မျိုးရိုးယဉ်ကျေးမှုရိုးရာအစဉ်အလာများ ပေါ်ထွန်းခဲ့သည်။ တရုတ်ပြည် တွင် ယခုလက်ရှိတည်ရှိနေသော မျိုးရိုးအမည်များသည် များသောအားဖြင့် လွန်ခဲ့သော နှစ်ပေါင်းသုံးထောင်ကျော်ရှိ 商(Shang)၊周(Zhou) ခေတ်ကာလများတွင်ပင် ပေါ်ပေါက်ခဲ့ပြီးဖြစ်သည်။ ထို့ကြောင့် တရုတ်ပြည်၏ ရှည်ကြာသောယဉ်ကျေးမှုများတွင် မျိုးရိုးနှင့်ဆိုင်သော ယဉ်ကျေးမှုများကိုပါ ဝေေ၀ဆာဆာ တွေ့မြင်နိုင် ပါသည်။ ထို့အပြင် စကားပုံများတွင်လည်း မျိုးရိုးစကားလုံးများပါဝင်သော အသုံးအနှုန်းများဖြင့် ခိုင်နှိုင်းထားပုံများကိုလည်း တွေ့မြင်နိုင်ပါသည်။

စကားပုံအချို့ ကိုပြောရမည်ဆိုလျှင် 张冠李戴 (ကျန်းကွမ်းလီသိုက် = အမှားမှားအယွင်းယွင်း ပြုမိသည်) 毛遂自荐 (မောင်စွေ့စွတ်(z)ကျန့် = ကိုယ့်အသိစိတ်ဓာတ်နှင့်ကိုယ် တာဝန် ထမ်းဆောင်သည်) 徐娘半老 (ရွှီးညန်ပန့်လောင် =မြူစွယ်တတ်ပြီး လျှပ်ပေါ်လော်လီသော သက်လတ်ပိုင်းအမျိုးသမီး) 王婆卖瓜，自卖自夸 (၀မ်ဖော်မိုက်ကွား စွတ်(z)မိုက်စွတ်(z)ခွား = ကိုယ့်ငါးချဉ် ကိုယ်ချဉ် 王小而过年—年不如一年 (၀မ်ရှောင်အဲယ်ကော့ညန်–ညန်ပုရူယိညန် = တစ်နှစ်ထက်တစ်နှစ်ညံ့သွားတယ်) 张家长，李家短 (သူများအတင်းအဖျင်းကို လျှောက်ပြောသည်) 三个臭皮匠，顶个诸葛亮 (ဆန်းကော့ချုတ်ဖီကျန့် တင်ကော့ကျူးကော်လျှန့် = လူညံ့ ၃ ယောက်ပေါင်းလျှင် သူရဲကောင်း ၁ ယောက်ကို မှီနိုင်တယ်) စသည့်စကားပုံတို့တွင် 张，王，李，毛遂，诸葛 စာလုံးများသည် တရုတ်မျိုးရိုး နာမည်များဖြစ်ကြသည်။ ထိုစကားပုံများတွင်ပါဝင်သော မျိုးရိုးအမည်များသည် စကားပုံများ၏အနက်အဓိပ္မာယ်များနှင့် ပါဝင်ပတ်သက်နေပါသည်။ အကယ်၍သာ မျိုးရိုးအမည်များကိုထိန်ချန်ထားပါက အထက်ပါစကားပုံများ၊ ဆိုရိုးစကားများသည်လည်း တည်ရှိနိုင်တော့မည် မဟုတ်ပါ။

ထို့အပြင်（姓）မျိုးရိုး ဟူသော တရုတ်စာလုံးကို ခွဲခြမ်းစိတ်ဖြာကြည့်လျှင် ဘယ်ဘက်စာလုံး 女 (နွီ = အမျိုးသမီး) နှင့် ညာဘက်ရှိ 生 (ရှိန်း = မွေးဖွားခြင်း) ဆိုသည့်စာလုံးနှစ်လုံး ပေါင်းစပ်ထားသည်ကို တွေ့ရသည်။ အမျိုးသမီးမှ ကလေးကိုမွေးဖွားသည်ဟု အဓိပ္မာယ် ရသည်။ ထိုခေတ်ထိုအခါက အမျိုးသမီးများကို မျိုးရိုးသယ်ဆောင်သူများအဖြစ် သတ်မှတ်ကြ သည်။ ထို့အပြင်မွေးဖွားလာသောကလေးများသည် မိခင်ကိုသာသိပြီး ဖခင်မည်သူ ဆိုသည်ကို မသိဘဲမွေးဖွားလာရသောကြောင့် ကလေးများသည် မိခင်၏မျိုးရိုးကိုသာ ခံယူရသည်။ ဥပမာ – မိခင်၏မျိုးရိုးက ၀မ် ဆိုလျှင် မွေးဖွားလာသောကလေးသည်လည်း ၀မ်မျိုးရိုးဖြစ်သည်။ (မှတ်ချက်- ထိုိအချိန်အခါက တရုတ်ပြည်တွင် တစ်လင်တစ်မယား စနစ် ဆိုသည်မှာမရှိပါ။)

ဒါ့အပြင် ထိုအချိန်အခါက လူတို့သည် သဘာဝအဖြစ်အပျက်များ၊ ဘေးဘေးအန္တရယ်များဖြစ်သည့် လေတိုက်ခြင်း၊ မိုးရွာခြင်း၊မိုးကြိုးပစ်ခြင်း၊ မီးလောင်ခြင်း၊ ငလျှင်လှုပ်ခြင်း၊ ရေကြီးခြင်း စသည်တို့ မည်သို့ဖြစ်ပေါ်လာသည်ကို မသိရှိဘဲ လျှို့ဝှက်စရာ၊ ထိတ်လန့်ကြောက်ရွံ့စရာများ အဖြစ်မှတ်ယူကာ ကြောက်ရွံ့ရိုသေကိုးကွယ်ခဲ့ကြသည်။ ထိုအယူအဆများနှင့် လက်တွေဘ၀တွင် အဖြေရှာကြသောအခါ သူတို့ကိုယ်သူတို့ အရာဝတ္ထုပစ္စည်းများ၊ သစ်ပင် (သို့) သက်မဲ့များဖြစ်သည့် တော၊ တောင်၊ ရေ၊ တိမ်၊ လေ၊ ကျောက်ခဲ အစရှိသည့် ပစ္စည်းများနှင့် ထူးဆန်းစွားမျိုးရိုးဆက်နွယ်နေသည်ဟု ခံယူလာကြပြီး ထိုအရာများကို ထိန်းသိမ်းပြီး သူတို့၏မျိုးရိုး သရုပ်ဖော်ရုပ်ပုံများအဖြစ် သတ်မှတ်လာကြသည်။ ယင်းမျိုးရိုး သရုပ်ဖော်ပုံကို 女 (နွီ = အမျိုးသမီး) စာလုံးပေါင်းထည့်ခြင်းဖြင့် သူတို့ သားချင်း၊ ဆွေမျိုးစု၏ ဘွဲ့အမှတ်သင်္ကေတအဖြစ်သတ်မှတ်ခဲ့ကြသည်။ ထိုအရာမျာသည် ပထမဆုံး ပေါ်ထွန်းလာတဲ့ မျိုးရိုးအခေါ်များဖြစ်လာခဲ့တယ်။

ကျွမ်းကျင်သူတို့ရဲ့ လေ့လာချက်အရ တရုတ်လူမျိုးတို့၏ အစောဆုံးမျိုးရိုးအမည်ဖြစ်တဲ့ 姜(ကျန်း) နဲ့ 妘 (ယွင်) မျိုးရိုးတွေမှာ ပထမမျိုးရိုးရဲ့ မျိုးရိုးသရုပ်ပြပုံက 羊 (ရန် = ဆိတ်) ဖြစ်ပြီး နောက်တစ်ခုရဲ့မျိုးရိုးသရုပ်ပြပုံက  云 (ယွင် = တိမ်) ဖြစ်ခဲ့တယ်။ ထို့အပြင် တရုတ်ရှေးဟောင်းကဗျာပေါင်းချုပ်ကျမ်းထဲမှာပါဝင်သည့် အချက်အလက်များအရ 姜嫄 (ကျန်းယွမ်) ဟုခေါ်သောအမျိုးသမီးသည် ကလေးလိုချင်သောကြောင့် တောစခန်းကွင်းပြင် တစ်ခုမှာ မိုးနတ်မင်းကို ကလေးတစ်ယောက် ပေးဖို့ တောင်းဆိုခဲ့တယ်။ ထို့နောက်သူမသည် ကြီးမားသောခြေရာတစ်ခုကို နင်းမိလိုက်တယ်။ အဲဒီချိန်မှာ စိတ်လှုပ်ရှားမှု တစ်ခုခံစားရပြီး ကိုယ်ဝန်ရှိခဲ့တယ်။ နောက်တော့ ယောင်္ကျားလေး တစ်ယောက်မွေးခဲ့ပြီး ထိုကလေးသည် 周(ကျိုး) လူမျိုးတို့ ဘိုးဘေးဘီဘင်ဖြစ်ခဲ့တယ်။ အဲဒီ ကျိုး လူမျိုးတို့ရဲ့ မျိုးရိုးဟာ 姬 (ကြီး) ဖြစ်ပြီး ဘယ်ဘယ်မှာ အမျိုးသမီးဆိုတဲ့ စာလုံးပါဝင်ကာ ညာဘက်မှာ ၀က်ဝံရဲ့ခြေရာပုံစာလုံး ပါဝင်တဲ့ အတွက် ကျိုး လူမျိုးတို့ရဲ့ မျိုးရိုးသရုပ်ပြရုပ်ပုံက ၀က်ဝံဖြစ်တယ်လို့ ဖော်ထုတ်ခဲ့တယ်။

ဆက်လက်ရေးသားပါမည်။

 

Tongue twister

အာသွက်လျှာသွက်ဖြစ်သွားအောင်လို့ပါ။ ဖတ်ကြည့်ပါ။

四是四，十是十。
十四是十四，四十是四十。
要想说对四和十，得靠舌头和牙齿。
谁说四十是戏习，谁的舌头没用力；
谁说四十是事实，谁的舌头没伸直。
要想说对常练系，十四，四十，四十四。

 

လမုန့်ပွဲတော် (中秋节)

ဒီနေ့က ၁၀လပိုင်း ၃ရက်နေ့၊ တရုတ်လူမျိုးတို့ရဲ့လမုန့်ပွဲတော်ဖြစ်ပါတယ်။ လမုန့်ပွဲတော်ကို တရုတ်ပြက္ခဒိန်ရဲ့ ၈လမြောက် ၁၅ရက်နေ့မှာ ကျင်းပလေ့ရှိပါတယ်။ အင်္ဂလိပ်ပြက္ခဒိန် အရဆိုလျှင် စက်တင်ဘာလကုန်ပိုင်းလောက်နဲ့ အောက်တိုဘာလ အစပိုင်းလောက် ရက်အတွင်းမှာ ပွဲတော်ကျရောက်လေ့ရှိတယ်။ တရုတ်ပြည်မှာ အဓိကထားတဲ့ ရက်ကောင်းရက်မြတ် ၄ ရက်ရှိပါတယ်။ တရုတ်နှစ်သစ်ကူး၊ တရုတ်ရိုးရာသချိုင်းကန်တော့ပွဲ၊ နဂါးလှေပြိုင်ပွဲ နှင့် လမုန့်ပွဲတော် တို့ဖြစ်ပါတယ်။ ယင်းအနက် လမုန့်ပွဲတော်မှာဆိုရင် တရုတ်လူမျိုးတွေက အချင်းချင်း မုန့်၊ လမုန့် စတာတွေ လက်ဆောင်ပေးပြီး မိသားစုတွေစုံစုံလင်လင် စုစည်းပြီး စားသောက်ပျော်ရွှင်ကြပါတယ်။ အဓိကလက်ဆောင် ကတော့ လမုန့်ဖြစ်ပါတယ်။

ကျနော်ပြောချင်တာကတော့ လမုန့်ပွဲတော်မှာ ဘာကြောင့်လမုန့်စားကြရသလဲ ဆိုတာပေါ့။ ကျနော်ငယ်ငယ်တုန်းကတော့ လမုန့်ပွဲတော်ဆိုတာ လမုန့်စားရတာလို့ပဲသိပါတယ်။ ကိုယ်တိုင်ကလည်း လမုန့်ကြိုက်သူဆိုတော့ ပွဲတော်မှာလမုန့်စားဖို့ပဲ အားခဲနေကြပေါ့။ ကျနော်မိဘတွေကလည်း တရုတ်စပ်ပေမယ့် တရုတ်ရိုးရာဓလေ့ထုံးစံထက် မြန်မာ့ရိုးရာဓလေ့ကိုသာ အားသန်တဲ့အတွက် မေးမြန်းကြည့်တော့ သိပ်မသိကြပါဘူး။ အဲဒါနဲ့ကျနော်က တရုတ်လူမျိုးတွေကို မေးမြန်းကြည့်တဲ့အခါမှာ စိတ်ဝင်စားစရာ အဖြေအမျိုးမျိုးရပါတယ်။ အဲဒီထဲကမှ လူပြောများတဲ့ အကြောင်းလေးကို ပြောပြချင်ပါတယ်။ ဘာကြောင့်လမုန့်စားရသလဲဆိုတာ အမျိုးမျိုးပြောကြပေမယ့် လူပြောများတဲ့အကြောင်းအရာ ကတော့ အဲဒီနေ့က မွန်ဂိုလူမျိုးတွေကို တရုတ်တွေက ပြန်လည်တိုက်ထုတ်နိုင်ခဲ့လို့ အထိမ်းအမှတ်အနေနဲ့ စားကြခြင်းဖြစ်တယ်လို့ ဆိုပါတယ်။

အသေးစိတ်ပြောရရင် ယွမ်ခေတ် နှောင်းပိုင်းလောက်က မွန်ဂိုလူမျိုးတွေက တရုတ်တွေကို အုပ်စိုးချိန်ဖြစ်တယ်။ ထိုအချိန်အခါက လူစုလူဝေးပြုလုပ်ခြင်းကို တာမြစ်ထားသောကြောင့် တရုတ်လူမျိုးတွေဟာ မွန်ဂိုလူမျိုးတွေကို ပုန်ကန်ဖို့အခွင့်မသာခဲ့ကြဖူး။ ဒါအပြင် ပုန်ကန်မယ့်သူတွေကလည်း နယ်အရပ်ရပ်မှာ တကွဲတပြားစီ ဖြစ်နေတဲ့အတွက် သူတို့ကိုအချိန်မှီစုစည်းနိုင်ဖို့ဆိုတာ မလွယ်ကူဘူး။ အဲဒါနဲ့ သူတို့က ပုန်ကန်ရမယ့်အချိန်ကို စဉ်းစားကြရင်း မွန်ဂိုတွေလမုန့်မစားတာကို သတိသွားရမိတယ်။ ထိုဟာကို အကြောင်းပြုပြီး တရုတ်လူမျိုးပုန်ကန်သူအကြီးအကဲက မွန်ဂိုလူမျိုးတွေကို ကောင်းချီးပေးဖို့အတွက် တရုတ်လူမျိုးတွေကို လမုန့်များဝေပါရစေလို့ မွန်ဂိုတွေကိုခွင့်တောင်းပြီး လမုန့်တွေကို တရုတ်လူမျိုးတို့အိမ်တိုင်းစေ့ ပေးခဲ့တယ်။ အမှန်မှာတော့ လမုန့်ထဲမှာ မွန်ဂိုတွေကို ၈လပိုင်း ၁၅ရက်နေ့ မှာ ပုန်ကန်မယ်ဆိုတဲ့ စာတိုလေးကို ထည့်ပေးခဲ့ပါတယ်။ အဲဒီ ၈လပိုင်း ၁၅ရက် လပြည့်ညမှာတော့ တရုတ်တွေက မွန်ဂိုတွေကို အောင်မြင်စွာ တော်လှန်တိုက်ထုတ် နိုင်ခဲ့တယ်။ ထိုအကြောင်းကို အစွဲပြုပြီး တရုတ်လူမျိုးများသည် တရုတ်ပြက္ခဒိန် ၈လပိုင်း ၁၅ရက်နေ့မှာ လမုန့်ပွဲတော်ကို ကျင်းပပြီး လမုန့်ကို အမှတ်တရအနေနဲ့ စားသုံးကြခြင်း ဖြစ်ပါတယ်။

 

Essential Chinese words for “Internet”

ယနေ့လူငယ်များတော်တော်များကဆိုရင် Internet ကိုအသုံးပြုပြီး အချက်အလက်များကို ရှာဖွေလေ့လာကြပါတယ်။ ဒါကြောင့် တရုတ်စာလေ့လာသူများအတွက်လည်း Internet နဲ့ ဆက်စပ်နေတဲ့ တရုတ်စကားလုံးအချို့ကို လေ့လာရန်ရေးသားလိုက်ပါတယ်။ အသံထွက် ကိုတော့ အတတ်နိုင်ဆုံး အမှန်ထွက်ဆိုနိုင်ရန် မြန်မာလိုကြိုးစားပြီး ဖော်ပြပေးထားပါတယ်။ သို့ရာတွင် အချို့သော တရုတ်အသံထွက်များမှာ မြန်မာလိုတိုက်ရိုက် အသံထွက်အနေဖြင့် ရေးရာတွင် တိုက်ရိုက်ရေးသား၍မရနိုင်သည့်အပြင် သံနေသံထားအချို့မှာလည်း အနည်းငယ် ကွဲလွဲမှုရှိနေလိမ့်မည်။ ထို့ကြောင့် တရုတ် pinyin (ဖျင်းရင်း) အသံထွက်ကိုစတင် လေ့လာပြီးမှသာလျှင် ပိုမိုပီသသော တရုတ်အသံထွက်ကို ထွက်ဆိုနိုင်ပါလိမ့်မည်။ pinyin ကိုလေ့လာရာတွင် စာအုပ်ကိုဖတ်လေ့လာထွက်ဆိုသည်ထက် ဆရာနှင့်ဦးစွာသင်ကြား သင့်တယ်လို့ အကြံပြုလိုပါတယ်။ အသံထွက၊် အသံနေ၊ အသံထား ကို ကောင်းမွန်စွာလေ့လာ ပြီးမှသာ စကားပြောစာအုပ်များကို တစ်ဆင့်တက်ပြီး ဖတ်မှတ်လေ့လာသင့်ပါသည်။ ဆရာမ ဒေါ်ဝါ၀ါ တရုတ်စကားပြောစာအုပ်များနှင့် ဆရာမ ဒေါ်နီလာတင် တရုတ်စကားပြောစာအုပ် များသည် ဖတ်ရှုလေ့လာသင့်တဲ့ စကားပြောစာအုပ်များဖြစ်ပါတယ်လို့ တရုတ်စာ လေ့လာ နေသူများ အတွက် ဒီကနေအခမဲ့ကြေငြာပေးလိုက်ပါတယ် ခင်ဗျာ။